Դավիթ Ասատրյան

Վիքիպեդիայում կան հոդվածներ Ասատրյան ազգանունով այլ մարդկանց մասին։

Դավիթ Ասատրյան
Ծնվել է	ապրիլի 7, 1940(1940-04-07) (84 տարեկան) Երևան, Հայկական ԽՍՀ, ԽՍՀՄ
Մասնագիտություն	գիտնական
Հաստատություն(ներ)	Ինֆորմատիկայի և ավտոմատացման պրոբլեմների ինստիտուտ
Գործունեության ոլորտ	ռադիոտեխնիկա
Ալմա մատեր	ՀԱՊՀ (1962)
Գիտական աստիճան	տեխնիկական գիտությունների դոկտոր (2001)
Պարգևներ	ՀԽՍՀ պետական մրցանակ

Դավիթ Գեղամի Ասատրյան (ապրիլի 7, 1940(1940-04-07), Երևան, Հայկական ԽՍՀ, ԽՍՀՄ), ռադիոտեխնիկայի բնագավառի գիտնական։ Տեխնիկական գիտությունների դոկտոր (2001)։

Կենսագրություն

1962 թվականին ավարտել է Երևանի պոլիտեխնիկական ինստիտուտը։ 1967-1978 թվականներին աշխատել է տարբեր հաշվողական կենտրոններում, 1978-2002 թվականներին՝ Ռադիոֆիզիոլոգիական չափումների ԳՀԻ-ում, 1998-2002 թվականներին՝ փոխտնօրեն, 2001 թվականից՝ ՀՀ ԳԱԱ Ինֆորմատիկայի և ավտոմատացման հիմնախնդիրների ինստիտուտում։

Գործունեություն

Աշխատանքները վերաբերում են տվյալների, ազդանշանների և պատկերների մշակման մաթեմատիկական մեթոդներին, կիրառական ռադիոֆիզիկայում ճառագայթող օբյեկտների բնութագրերի չափման և տվյալների մաթեմատիկական մշակման եղանակներին, գիտության տարբեր բնագավառներում դրանց կիրառման և մոդելավորման խնդիրներին։ Համահեղինակ է «Հավանականություն և կիրառական վիճակագրություն» (2000) բուհական դասագրքի։

Պարգևներ

• ՀԽՍՀ պետական մրցանակակ, 1985

Երկեր

• Ասատրյան Դ. Գ., Հավանականություն և կիրառական վիճակագրություն (բուհական դասագիրք), 2000 (համահեղինակ)։